| |
| 1. 1606002 - Samningur v. þjónustu sem Borgarbyggð veitir íbúum í Skorradal | |
Sveitarstjórn samþykkir eftirfarandi samning til seinni umræðu.
Þjónustusamningur vegna þjónustu Borgarbyggðar gagnvart íbúum Skorradalshrepps, ódagsettur.
Samþykkt með 4 atkvæðum.
PD sat hjá við afgreiðslu málsins.
| | 26.01.2024_Borgarbyggð_og_Skorradalshreppur_aðalsamningur.pdf | | |
|
| 2. 2209014 - Erindi frá oddvita | |
Samningur samþykktur samhljóða og oddvita heimilað að undirrita samninginn.
| | |
|
| 3. 2401004 - Íbúafundur | |
Oddviti lagði fram eftirfarandi bókun.
"Þakkar fyrir erindið og sér ekki ástæðu til að verða við erindinu."
GE og KJ styðja bókun oddvita.
ÓRÁ leggur fram eftirfarandi bókun.
"Þakkar líka fyrir erindi íbúa Skorradalshrepps. Lýsir furðu sinni að ekki sé hlustað á íbúa sveitarfélagsins og það séu fleiri íbúar sem styðja þessa tillögu. Þar af leiðindi er full ástæða fyrir sveitarfélagið að kanna hug íbúanna áður en verður farið lengra í sameiningarviðræðum."
Óli Rúnar Ástþórsson
Tillaga oddvita samþykkt með 3 atkvæðum.
Tillögu ÓRÁ er hafnað af meirihluta hreppsnefndar en ÓRÁ og PD greiða atkvæði með henni.
| | Fwd: Til hreppsnefndar.pdf | | |
|
| 4. 2309008 - Sameiningarmál | |
JEE, GE og KJ leggja fram eftirfarandi bókun: "Samkvæmt svari frá Innviðarráðuneytinu dags 16/ 1 2024 fæst ekki séð að neinn hreppsnefndamaður standist ekki hæfi , hvorki til afgreiðslu í hreppsnefnd né til setu í vinnuhópi vegna sameiningaviðræðna milli Skorradalshrepps og Borgarbyggðar. Þetta er einnig staðfest í svari frá Sambandi íslenskra sveitarfélaga dags 17/1 2024.
Því stendur bókun frá 191. fundi hreppsnefndar dags 18/12 2023 tölusett nr 2. En þar segir
Meirihluti hreppsnefndar samþykkir að hefja óformlegar sameiningarviðræður á milli sveitarfélaganna Skorradalshrepps og Borgarbyggðar í því skyni að kanna fýsileika á sameiningu. Lagt er til að gengið verði til samninga við KPMG um verkefnastjórn vegna viðræðnanna. Viðræðurnar hefjist í janúar 2024 og stefnt er að því að skila niðurstöðum eigi síðar en 1. maí 2024.
Hvort sveitarfélag um sig þarf að skipa tvo fulltrúa inn í verkefnastjórn sem mun leiða verkefnið fyrir hönd sveitarstjórnanna. Lagt er til að fyrir hönd Skorradalshrepps muni sitja Jón E. Einarsson og Guðný Elíasdóttir og að sviðsstjóri fjármála- og stjórnsýslusviðs í Borgarbyggð verði starfsmaður verkefnastjórnar og tengiliður við verkefnastjóra."
Samþykkt með 3 atkvæðum JEE, GE og KJ
Oddviti leggur fram eftirfarandi tillögu:
"GE er talin hæf, sbr. 7. mgr. 20 gr. sveitarstjórnarlaga til að greiða atkvæði um að hefja óformlega viðræður um sameiningu við Borgarbyggð og sitja í viðræðustjórn um sameiningu sveitarfélaga."
JEE, GE og KJ samþykkja tillöguna. ÓRÁ og PD greiða atkvæði gegn tillögunni.
ÓRA og PD bóka eftirfarandi:
"Í ljósi samþykktar meirihluta hreppsnefndar um hæfi GE, þá áskilur minnihlutinn sér rétt til að óska eftir því, með kæru til Innviðaráðuneytisins, að ráðuneytið úrskurði um hæfi allra hreppsnefndarmanna í ljósi 2. mgr. 20 gr. sveitarstjórnarlaga 138/2011, um að taka þátt í afgreiðslu á tillögum um að fara í óformlegar sameiningarviðræður við Borgarbyggð. Jafnframt um hæfi allra sveitastjórnarmanna til að sitja í viðræðunefnd um sameiningu, sbr. vísun í sömu lagagrein.
Ástæða efasemda um hæfi GE er að GE er einn af þremur sviðstjórum Borgarbyggðar og skapar það efasemdir um að viljaafstaða hennar mótist eða líti út fyrir að mótast af þeirri stöðu en ekki eingöngu af eigin sannfæringu eða hagsmunum Skorradalshrepps. Skapaðist því umræða um hæfi allra hreppsnefndarmanna og er því rétt að ráðuneytið úrskurði um hæfi okkar allra.
Einnig áskilur minnihlutinn sér rétt til að óska eftir áliti Innviðaráðuneytisins á grundvelli 112 gr. sveitarstjórnarlaga 138/2011 á fyrrnefndri ákvörðun og eins afgreiðslu 2. liðar frá fundi 18. desember s.l. og öllum ferlinum í tengslum við ákvörðunina. Við teljum að báðar bókanir í 2. lið 18. desember hafi ekki verið afgreiddar á þeim fundi."
Óli Rúnar Ástþórsson
Pétur Davíðsson
GE leggur eftirfarandi bókun:
"GE vill lýsa yfir vanhæfi á PD um að fjalla um sameiningarmál sveitarfélagana tveggja Skorradalshrepps og Borgarbyggðar. PD hefur sýnt mikla andstöðu við sameiningarferlið í orðum og gjörðum en í gegnum árin hefur hann haft mikinn fjárhagslegan ávinning af sveitarfélaginu Skorradalshrepp, bæði í launagreiðslum og greiðslum sveitarfélagsins á hagsmunaverkefnum. Því hefur sameining Skorradalshrepps við annað sveitarfélag fjárhagsleg áhrif á hann og því er hann vanhæfur."
Guðný Elíasdóttir
PD vill bóka eftirfarandi: "Í ljósi bókunar GE, þá vill ég undirstrika að ég lagði fram bókun á fundi hreppsnefndar þann 18. desember s.l. um að gerð yrði valkostagreining á sameiningarmöguleikum Skorradalshrepps við önnnur sveitarfélög í nágrenninu. Sú tillaga hefur ekki verið afgreidd. Eins á fundi hreppsnefndar 18. október s.l. lagði ég fram tillögu um að skoða eða hefja samtal við Akranesskaupstað, Hvalfjarðarsveit og Borgarbyggð. Því var hafnað af meirihluta hreppsnefndar.Launagreiðslur til undirritaðs á s.l. árum eru einungis vegna nefndarstarfa samkvæmt samþykkt sveitarfélagsins og greiðslur samkvæmt verktakasamningi við félag undirritaðs um vinnu fyrir sveitarfélagið. Sú vinna r unnin er að beiðni oddvita og/eða sveitarstjórnar. Allir eru reikningar yfirfarnir af oddvita og gerð árlega, meiri sérstakalega grein fyrir þeim við endurskoðun ársreiknings hjá KPMG ehf. "
Pétur Davíðsson
JEE, KJ og GE vilja benda PD og ÓRA á að öllum er heimilt til að leggja fram kærur, ábendingar og kvartanir til innviðaráðuneytisins hvort sem það eru kjörnir fulltrúar sveitarstjórnar eða íbúar. Á þeim forsendum þurfa PD og ÓRA ekki að áskilja sér þann rétt í bókun sveitarstjórnar. Ef til þess kemur að PD og ÓRA leggi inn kæru til innviðaráðuneytisins vilja JEE, KJ og GE að það komi skýrt fram að sveitarfélagið muni hvorki greiða kostnað sem hlýst af því ferli né fresta óformlegum sameiningaviðræðum þar til niðurstaða innviðaráðuneytisins er skilað inn til kærenda. | | FS: Fwd Hæfivanhæfi hreppsnefndarmanna í Skorradalshrepp.pdf | | FS: Fwd Hæfivanhæfi hreppsnefndarmanna í Skorradalshrepp.pdf | | |
|
| 5. 2309008 - Sameiningarmál | |
Oddviti leggur fram eftirfarandi:
"Sveitarstjórn Skorradalshrepps staðfestir framlagðan samning við ráðgjafarasvið KPMG ehf., Oddvita falið að undirrita samninginn."
ÓRÁ og PD bóka eftirfarandi:
"Undirritaðir leggja til að farið verði yfir eftirtalin atriði og þau lagfærð og bætt inn í samningin um þjónustu KPMG ehf.
1. Ekki liggur fyrir samþykki Jöfnunarsjóðs um greiðslu kostnaðar og samþykki verkáætlunar vegna hugsanlegra óformlegra viðræðna við Borgarbyggð.
2. Ekki koma fram nein takmörk eða hámörk á tímafjölda vegna þjónustu KPMG ehf eða systurfyrirtækis KPMG ehf um aðkomu að verksamningum.
3. Hvorki kemur fram hver fylgist með tímaskráningum né eftirfylgni með framvindu verksins eða hver samþykkir verkreikninga. Nauðsynlegt er að ábyrgðaaðilar séu tilgreindir"
JEE, GE og KJ samþykkja bókun oddvita og leggja til að gerður verði viðauki við samning KPMG ehf. þar sem fram koma upplýsingar varðandi áætlaðan tímafjölda við vinnu KPMG ehf. í óformlegum viðræðum. Einnig upplýsingar um þann aðila sem heldur utan um framvindu verks með eftirfylgni tímafjölda og fundargerðum ásamt þeim aðila sem samþykkir verkreikninga fyrir hönd sveitarfélagana
PD og ÓRÁ samþykkja sína bókun. ÓRÁ ítrekar að nauðsynlegt er að samþykki Jöfnunarsjóðs liggi fyrir til að koma í veg fyrir að kostnaður leggist á Skorradalshrepp ef framlög Jöfnunarsjóðs duga ekki, sbr. t-póst Róberts Ragnarssonar. Vék einnig athygli á því að 7 millj.kr. þóknun KPMG sé sama fjárhæð og reiknað er með í mun stærra sameiningarverkefni KPMG á Suðurnesjum. Það væri nær lagi að reikna með 2 til 2,5 millj. kr. fyrir verkefnið hér.
| | Borgarbyggð-Skorradalshreppur_samningur.pdf | | |
|
| 6. 2402006 - Fulltrúi í Ungmennaráð Vesturlands | |
Oddviti leggur til eftirfarandi: Kosning til eins árs.
Aðalmaður: Hlynur Blær Tryggvason
Varamaður: Erla Ýr Pétursdóttir
Samþykkt samhljóða. | | Ungmennaráð Vesturlands.pdf | | |
|
| 7. 2402007 - Boðun á Landsþing Samband íslenskra sveitarfélaga nr. XXXIX | |
| Lagt fram. | | Boðun landsþings Sambands íslenskra sveitarfélaga.pdf | | |
|
| 8. 2402010 - Fulltrúi á aðalfund Samtaka sveitarfélaga á Vesturlandi | |
Samþykkt samhljóða að Pétur Davíðsson verði fulltrúi Skorradalshrepps á fundinum. Til vara Jón. E. Einarsson. Oddviti hefur einnig seturétt á fundinum.
GE óskar eftir að ganga út úr stjórn SSV. sem fulltrúi Skorradalshrepps.
Samþykkt að PD verði fulltrúi í stjórn SSV og JEE til vara.
| | Aðalfundarboð 2024.pdf | | |
|
| 9. 2402011 - Aðalfundur Heilbrigðiseftirlits Vesturlands árið 2024 | |
| Samþykkt samhljóða að oddviti verði fulltrúi Skorradalshrepps á fundinum. | | |
|
| 10. 2402012 - Aðalfundur Sorpurðunar Vesturlands ehf árið 2024 | |
| Samþykkt samhljóða að oddviti verði fulltrúi Skorradalshrepps á fundinum. | | |
|
| 11. 2402013 - Aðalfundur Símenntunarmiðstöðvar Vesturlands árið 2024 | |
| Samþykkt samhljóða að oddviti verði fulltrúi Skorradalshrepps á fundinum. | | |
|
| 12. 2402008 - Beiðni um samstarf - samráð gegn heimilisofbeldi á Vesturlandi | |
Samstarfsyfirlýsingin samþykkt af sveitarstjórn og oddvita heimilað að undirrita hana.
Samþykkt samhljóða. | | Samstarfsyfirlýsing Sveitarfélög.pdf | | |
|
|
| |
| 14. 2401003F - Skipulags- og byggingarnefnd - 179 | |
| Fundargerðin samþykkt, einn fundarliður. | 14.1. 2312007 - Varnarstífla og uppmokstur á seti í inntakslóni Andakílsárvirkjunar, umsókn um framkvæmdaleyfi Fyrir fundinum liggur samantekt skipulagsfulltrúa á gögnum sem vantar og atriðum sem talin eru þess eðlis að umsókn fullnægi ekki 7. gr. reglugerðar 772/2012 um framkvæmdaleyfi.
Skipulags- og byggingarnefnd samþykkir að gefa umsækjanda kost á að afla þeirra gagna sem þar er rætt um, eða leggja fram rökstuðning fyrir þeirri skoðun að ekki sé þörf á að afla þeirra, sé það skoðun umsækjanda. Að því gerðu verði málið tekið fyrir að nýju af nefndinni og ákvörðun tekin. | | |
|
| |
| 15. 2402005 - Fundargerð nr. 941 og 942 í stjórn Sambands íslenskra sveitarfélaga. | |
| |
|
| 16. 2402009 - Fundargerð 16. fundar stjórnar fjallskilaumdæmis Akraneskaupstaðar, Borgarbyggðar, Hvalfjarðarsveitar og Skorradalshrepps. | |
| 16.fundur ABHS.pdf | | |
|
