Skipulags- og byggingarnefnd leggur til að erindi verði sent á Sýslumanninn á Vesturlandi og enn fremur verði óskað eftir fundi með embættinu. Skipulagsfulltrúa og lögmanni sveitarfélagsins verði falið að gæta hagsmuna sveitarfélagsins.

Í ljósi stöðu mála og framkominna upplýsinga er byggingarfulltrúa falið að kanna stöðu og heimildir mannvirkja við lón Andakílsárvirkjunar og ósa Skorradalsvatns.

Skipulagsfulltrúa falið að vinna málið áfram.

Vísað er til fyrirætlana skipulagsfulltrúa að krefjast úrbóta á óleyfisframkvæmdum á vegum Skógræktarinnar í landi Stóru Drageyrar. Fyrir liggur álit um mögulegar leiðir til að færa landið til fyrra horfs og/eða skapa aðstæður til þróunar í þá átt. Lagt er til að hreppsnefnd taki til umfjöllunar um að ákveða dagsektir að fjárhæð kr. 50.000,-, sem muni falla á Skógræktina hafi úrbætur ekki farið fram fyrir 1. júlí 2024. Jafnframt verði oddvita sveitarfélagsins falið að láta sveitarfélagið vinna umræddar úrbætur á kostnað Skógræktarinnar, eftir að liðnir eru 30 dagar frá 1. júlí 2024, sbr. 2. mgr. 54. gr. skipulagslaga nr. 123/2010. Skógræktinni verði veittur andmælaréttur áður en ákvörðun verður tekin.

Vísað er til fyrirætlana skipulagsfulltrúa að krefjast úrbóta á óleyfisframkvæmdum á vegum Skógræktarinnar í landi Bakkakots. Fyrir liggur álit um mögulegar leiðir til að færa landið til fyrra horfs og/eða skapa aðstæður til þróunar í þá átt. Lagt er til að hreppsnefnd taki til umfjöllunar um að ákveða dagsektir að fjárhæð kr. 50.000,-, sem muni falla á Skógræktina hafi úrbætur ekki farið fram fyrir 1. júlí 2024. Jafnframt verði oddvita sveitarfélagsins falið að láta sveitarfélagið vinna umræddar úrbætur á kostnað Skógræktarinnar, eftir að liðnir eru 30 dagar frá 1. júlí 2024, sbr. 2. mgr. 54. gr. skipulagslaga nr. 123/2010. Skógræktinni verði veittur andmælaréttur áður en ákvörðun verður tekin.

Fyrir fundinum liggur samantekt skipulagsfulltrúa á gögnum sem vantar og atriðum sem talin eru þess eðlis að umsókn fullnægi ekki 7. gr. reglugerðar 772/2012 um framkvæmdaleyfi.
Skipulags- og byggingarnefnd samþykkir að gefa umsækjanda kost á að afla þeirra gagna sem þar er rætt um, eða leggja fram rökstuðning fyrir þeirri skoðun að ekki sé þörf á að afla þeirra, sé það skoðun umsækjanda. Að því gerðu verði málið tekið fyrir að nýju af nefndinni og ákvörðun tekin.

Það er mat skipulags- og byggingarnefndar miðað við framlögð gögn að framkvæmd sé framkvæmdaleyfisskyld sbr. 5. gr. reglugerðar um framkvæmdaleyfi 772/2012. Gögn framkvæmdaleyfisumsóknar skulu vera í samræmi við 7. gr. sömu reglugerðar og samþykki landeiganda skal liggja fyrir.

Skipulags- og byggingarnefnd staðfestir framlögð jarðamerki á milli Syðstu Fossa og Efri Hrepps. Enn fremur jarðamerki á milli Syðstu Fossa annars vegar og Efri Hrepps, Horns og Mófellsstaðakots hins vegar. Nefndin felur byggingarfulltrúa að árita framlögð gögn og vinna málið áfram.

Skipulags- og byggingarnefnd leggur til að minnisblaðið verði sent sýslumannsembættinu til skoðunar og úrvinnslu. Byggingarfulltrúa falið að vinna málið áfram.