Til bakaPrenta
Skipulags- og byggingarnefnd - 203

Haldinn á Hvanneyri,
28.05.2026 og hófst hann kl. 16:00
Fundinn sátu: Pétur Davíðsson Formaður,
Ingólfur Steinar Margeirsson Varaformaður,
Sigrún Guttormsdóttir Þormar Varamaður,
Sigurbjörg Ósk Áskelsdóttir Ritari.
Fundargerð ritaði: Sigurbjörg Ósk Áskelsdóttir, skipulagsfulltrúi


Dagskrá: 
Almenn mál
1. 1202023 - Aðgangur að örnefnum af sveitarfélaginu.
Á 166. fundi hreppsnefndar var tilboð frá Sigurgeiri Skúlasyni, landfræðingi, samþykkt er varðar að koma örnefnum yfir á shp. form þannig að hægt verði að afhenda gögnin til Landmælinga Íslands sem nú heitir Náttúrufræðistofnun. Málinu var ekki fylgt eftir að hálfu sveitarfélagsins. Sigurgeir hefur samþykkt að ljúka vinnunni á grundvelli framlagðs tilboðs en það uppfært til núvirðis.
Skipulags- og byggingarnefnd samþykkir samning við Sigurgeir og að vinnan fari af stað. Stefnt er að vinnu ljúki fyrir sumarlok 2026 og að Sigurgeir afhendi ofangreind gögn til Náttúrufræðistofnunar.
2. 2304014 - Forsendur starfsemi Andakílsárvirkjunar
Lögð fram greiningargögn er sýna breytingar á Skorradalsvatni og farvegi Andakílsár fyrir og eftir tilkomu Andakílsárvirkjunar sem tekin var í notkun 1947. Stuðst var við loftmyndir sem teknar voru 1945, 1956, 1978, 1994, 2005 og 2024 við greininguna.
Gögnin kynnt og lögð fram. Samkvæmt greiningu loftmynda er gróðureyðing við bakka Skorradalsvatns 54,5 ha og það land sem hefur farið undir vatn er 38,5 ha, en varðandi breyttan farveg Andakílsár í landi Efri Hrepps mælist gróðureyðing og það land sem farið hefur undir vatn samtals 6 ha á rekstrartíma Andakílsárvirkjunar.
1_d970-Skorradalsvatn_Grund_bls1-4_20260527_opt.pdf
2_d970-Skorradalsvatn_Vatnsendi_bls1-7_20260527_opt.pdf
3_d970-Skorradalsvatn_Hvammur_bls1-4_20260527_opt.pdf
4_d970-Skorradalsvatn_Dagverðarnes_bls1-4_20260527_opt.pdf
5_d970-Skorradalsvatn_Stálpastaðir_bls1-7_20260527_opt.pdf
6_d970-Skorradalsvatn_Háafell_bls1-7_20260527_opt.pdf
7_d970-Skorradalsvatn_Fitjar_bls1-8_20260527_opt.pdf
8_d970-Skorradalsvatn_Vatnshorn_bls1-11_20260527_opt.pdf
9_d970-Skorradalsvatn_Hagi_bls1-8_20260527_opt.pdf
10_d970-Skorradalsvatn_Stóra-Drageyri_bls1-11_20260527_opt.pdf
11_d970-Skorradalsvatn_Litla-Drageyri_bls1-5_20260527_opt.pdf
12_d970-Skorradalsvatn_Indriðastaðir_bls1-8_20260527_opt.pdf
13_d970-Skorradalsvatn_Efri-Hreppur_bls1-3_20260527_opt.pdf
d970-Skorradalsvatn_Gróðureyðing og landbrot_20260527.pdf
3. 1802001 - Húsakönnun
Framlögð er uppfærð greinargerð Húsakönnunar.
Seinni áfangi húsakönnun lög fram og kynnt. Samningur miðaði við úttekt á 37 húsum, en þegar endanlegur listi frá sveitarfélaginu lá fyrir reyndust húsin vera 62. Skipulags- og byggingarnefnd samþykkir viðbótarkostnað vegna umræddrar vinnu.
Skýrsluform 26.05.2026.pdf
Fundargerð
4. 2605006F - Afgreiðslufundir byggingarfulltrúa - 86
Fundargerð lögð fram til kynningar
4.1. 2603006 - Umsókn um byggingarheimild eða -leyfi - Vatnsendahlíð 103 - Flokkur 1
Fundur vegna stöðvunar framkvæmda á lóðinni. Mættir voru auk byggingafulltrúa, Pétur Davíðsson, formaður Skipulags- og bygginganefndar Skorradals og Ólafur Magnússon fulltrúi eiganda.
Farið var yfir stöðu mála, verkstöðvun er í gildi. Óskað eftir skýrari gögnum frá aðalhönnuði hússins áður en frekar verður aðhafst í málinu.
4.2. 2201007 - Indriðastaðahlíð 166, stöðvun framkvæmda.
Fulltrúar Indriðastaðahlíðar 166, höfðu óskað eftir fundi vegna stöðvunar framkvæmda og óskað leibeininga um framhaldið.
Samkvæmt gildandi deiliskipulagi skal mænishæð frá gólfi fyrir frístundahús vera að hámarki 5.5 m og 3.8 m fyrir aukahús. Haft skal sem viðmið að gólfhæð og hæð verandar yfir landi yfirstígi ekki 1.5 m. Skipulags- og byggingarnefnd hafnar umsókn um að kjallari og sökkulveggir verði sjáanlegar þar sem að umsókn samræmist ekki gildandi deiliskipulagi og byggingarskilmálum þess. Byggingarfulltrúa falið að upplýsa um niðurstöðu nefndarinnar.
Mættir auk byggingafulltrúa, Pétur Davíðsson, Tómas Arnarson og Ingi Gunnar Þórðarson.
Staðan rædd og lauk fundi án niðurstöðu. Fulltrúar eiganda telja að ekki sé þörf á deiliskipulagsbreytingu, telja að í gildandi deiliskipulagi komi ekkert fram sem sé í andstöðu við það sem framkvæmt hefur verið.
Byggingarleyfismál
5. 2605010 - Birkimói Grundarland, merkjalýsing
Lögð fram drög að merkjalýsingu fyrir Birkimóa Grundarland L190515. Við vinnslu merkjalýsingar kom í ljós ósamræmi á milli gildandi deiliskipulags og stofnaðra lóða.
Málinu frestað og lagt til að unnin verði deiliskipulagsbreyting.
af1392- Birkimói_A4_2500_combined_20260527.pdf
6. 2605014 - Indriðastaðir-Dyrholt, merkjalýsing
Skorradalshreppur hefur séð um stofnun lóða þegar deiliskipulagsáætlanir hafa öðlast gildi. Dregist hefur að ljúka slíkri vinnu fyrir deiliskipulagssvæði Dyrholts í landi Indriðastaða, en það hefði átt að gerast þegar deiliskipulagið var samþykkt árið 2020. Breyting hefur einnig verið gerð á lögum og ekki lengur fullnægjandi að stofna lóðir samkvæmt deiliskipulagi en nú verður að gera merkjalýsingu.
Drög að merkjalýsingu, sem sveitarfélagið hefur kostað fyrir deiliskipulagssvæði Dyrholts í landi Indriðastaða, lögð fram og kynnt. Skipulags- og byggingarnefnd felur merkjalýsanda að ljúka við framlögð drög merkjalýsingar. Þar sem fórst fyrir að ljúka þessari vinnu fyrir gildistöku laga um merkjalýsingu við stofnun lóða árið 2022 leggur skipulags- og byggingarnefnd til að skráningargjöld nýrra landeigna verði greidd af sveitarfélaginu.
af1449-Indriðastaðir_20260528_opt.pdf
7. 2605015 - Dagverðarnes-svæði 9, merkjalýsing
Skorradalshreppur hefur séð um stofnun lóða þegar deiliskipulagsáætlanir hafa öðlast gildi. Dregist hefur að ljúka slíkri vinnu fyrir deiliskipulagssvæði frístundabyggðar í Dagverðarnesi á svæði 9, en það hefði átt að gerast þegar deiliskipulagið var samþykkt árið 2023.
Drög að merkjalýsingu, sem sveitarfélagið hefur kostað fyrir deiliskipulagssvæði frístundabyggðar í Dagverðarnesi á svæði 9, lögð fram og kynnt. Skipulags- og byggingarnefnd felur merkjalýsanda að ljúka við framlögð drög merkjalýsingar.
af1550-Dagverðarnes-svæði 9_20260528.pdf
Skipulagsmál
8. 2605011 - Byggðakjarni í landi Grundar, breyting deiliskipulags
Við vinnslu merkjalýsingar af landeign Birkimóa Grundarland L190515 kom í ljós ósamræmi á milli gildandi deiliskipulags byggðakjarna í landi Grundar og stofnaðra lóða innan landeignarinnar.
Skipulags- og byggingarnefnd leggur til við nýtt sameinað sveitarfélag að unnin verði breyting deiliskipulags byggðakjarna í landi Grundar þannig að hægt verði að ljúka merkjalýsingu landeigna innan Birkimóa Grundarlands og að skipulagsfulltrúa Skorradalshrepps verði falið að vinna málið áfram.
2001-158 Gildandi DSK Byggðakjarni í landi Grundar.pdf
2001-158 Gildandi DSK greinarg. og skilmálar.pdf
2001-158.pdf
9. 1402009 - Fitjahlíð, deiliskipulag Kiðhúsbala
Umsögn HMS vegna beiðni Skorradalshrepps um undanþágu frá skipulagsreglugerð liggur fyrir. Í umsögninni kemur fram að stofnunin telji ekki rétt að veita almenna undanþágu niður í 25 m fjarlægð frá Skorradalsvegi á grundvelli þeirra gagna sem liggi fyrir, en í umsögninni er nánar útlistað hvers vegna svo sé.
Áður en ráðuneytið tekur afstöðu til beiðninnar er sveitarfélaginu gefið tækifæri til að bregðast við því sem fram kemur í umsögn HMS.
Frestur til að bregðast við umsögn HMS er veittur til 11. júní nk., berist ekki viðbrögð frá sveitarfélaginu eða beiðni um frekari frest fyrir þann tíma mun ráðuneytið taka afstöðu til beiðninnar á grundvelli fyrirliggjandi gagna.
Fjarlægð frístundahúsa í Fitjahlíð var skoðuð með tilliti til Skorradalsvegar árið 2020. Skipulags- og byggingarnefnd lagði þá áherslu á að sú fjarlægð sem óskað yrði undanþágu fyrir myndi vera fordæmisgefandi fyrir alla hlíðina. Því var horft í þær byggingar sem stóðu næst Skorradalsvegi, en þær eru í 20 m fjarlægð frá miðlínu vegar.
Skipulags- og byggingarnefnd getur fallist á að í deiliskipulagi frístundabyggðar Kiðhúsbala eru byggingarreitir rúmir og staðsetning þegar byggðra frístundahúsa ofarlega í lóð, en ósk sveitarfélagsins byggðist á því að undanþágan yrði mögulega fordæmisgefandi fyrir hlíðina ef eða þegar deiliskipulag yrði unnið af allri hlíðinni og sjá má á greiningu er varðar fjarlægð frá Skorradalsvegi. Skipulags- og byggingarnefnd leggur ríka áherslu á að skipulagið nái fram að ganga og er því tilbúin til að auka fjarlægðina í 30 metra, en það er sú fjarlægð sem brýn þörf er á að fá undanþágu fyrir vegna frístundahúss á lóð Fitjahlíðar 51 og allt málið í raun snýst um og bendir á í því samhengi umfjöllun í kafla 1.2 í samþykktu deiliskipulagi frístundabyggðar Kiðhúsbala. Skipulags- og byggingarnefnd óskar eftir undanþágu hjá félags- og húsnæðismálaráðherra á d. lið gr. 5.3.2.5. í skipulagsreglugerð nr. 90/2013 um að fjarlægð byggingarreita frá Skorradalsvegi (508) í samþykktu deiliskipulagi frístundabyggðar Kiðhúsbala verði 30 m í stað 100 m, en til vara að undanþága verði 30 m í stað 100 m fyrir lóð Fitjahlíð 51 og 40 m í stað 100 m fyrir Fitjahlíð 47, 49 og 53. Skipulagsfulltrúa falið að vinna málið áfram.
Umsögn HMS.pdf
Fitjahlíð_fjarlægð frá Skorradalsvegi.pdf
d970-Fitjahlíð_20260220.pdf
Fleira ekki gert. Fundi slitið kl. 18:15 

Til bakaPrenta