Til baka	Prenta
Skipulags- og byggingarnefnd - 178 Haldinn á Hvanneyri, 17.01.2024 og hófst hann kl. 10:00 Fundinn sátu: Pétur Davíðsson Formaður, Ingólfur Steinar Margeirsson Varaformaður, Sigurbjörg Ósk Áskelsdóttir Ritari. Fundargerð ritaði: Sigurbjörg Ósk Áskelsdóttir, skipulagsfulltrúi ÁG boðaði forföll og ekki náðist að boða varamann. Dagskrá:  Almenn mál 1. 2309014 - Þinglýst jarðamerki og sveitarfélagamörk Málið var tekið fyrir á 177. fundi nefndarinnar þann 7. 12.2023.Þann 4. jan sl. barst tilkynning frá Héraðsdómi Vesturlands um þingfestingu máls er varðar að úrlausn þinglýsingarstjóra verði felld úr gildi. Í ljósi stutts andmælafrests svaraði byggingarfulltrúi beiðni héraðsdóms sbr. eftirfarandi: Skorradalshreppur hefur móttekið boðunarbréf í þinghald í máli nr. T 305/2023 hjá Héraðsdómi Vesturlands. Skorradalshreppur hefur þegar með formlegum hætti samþykkt þá landamerkjalýsingu sem fram kemur í skjali því sem deilt er um hvort þinglýsa eigi á jarðirnar Syðstu Fossa og Efri Hrepps, en síðarnefnda jörðin tilheyrir Skorradalshreppi. Sjá má í fundargerðum skipulags- og byggingarnefndar, annars vegar frá 19. september s.l. en það var í framhaldi af gögnum sem bárust byggingarfulltrúa og skipulagsfulltrúa í bæði Skorradalshreppi og Borgarbyggð. Einnig er með fundargerð frá 7. desember s.l. en þar er bókun eftir fund með settum sýslumanni er varðar fyrrnefnd mál. Skorradalshreppur telur æskilegt að landamerkjunum sé þinglýst, en þau fela í sér staðfestingu á þegar mörkuðum landamerkjum með nútímatækni. Engu var verið að breyta. Af þessari ástæðu hlutaðist Skorradalshreppur um að skjalið yrði sent í þinglýsingu og greiddi þinglýsingargjald. Er því rangt í ákvörðun sýslumanns að Skorradalshreppur hafi ekki samþykkt landamerkin. Skorradalshreppur sér ekki ástæðu til að gerast aðili að dómsmálinu fyrir sitt leyti. Svar byggingarfulltrúa staðfest. Skipulagsmál 2. 1402009 - Fitjahlíð, deiliskipulag Kiðhúsbala Lögð er fram tillaga deiliskipulags frístundabyggðar í Kiðhúsbala í landi Fitja. Um er að ræða lóðirnar Fitjahlíð 47, 49, 51, 53, 54, 56, 58, 60 og 62. Skipulags- og byggingarnefnd leggur til við hreppsnefnd að kynna deiliskipulag frístundabyggðar í Kiðhúsbala í landi Fitja, sbr. 3. mgr. 40. gr. skipulagslaga nr. 123/2010 m. s. br. Ekki er þörf á lýsingu skipulagsverkefnis þar sem allar megin forsendur deiliskipulags liggja fyrir í Aðalskipulagi Skorradalshrepps 2010-2022 og um er að ræða gamla gróna frístundabyggð sem byggðist upp á árunum 1970 til 1983. Lagt er til að skipulagstillaga verði send til umsagnar Minjastofnunar Íslands, Umhverfisstofnunar, Vegagerðarinnar, Heilbrigðiseftirlits Vesturlands, Veðurstofu Íslands og Slökkviliðs Borgarbyggðar. Skipulagsfulltrúa falið að vinna málið áfram. Fitjahlíð_drög 2_20240117.pdf Framkvæmdarleyfi 3. 2401001 - Óskað úrskurðar 145/2023 hjá ÚUA vegna framkvæmdaleyfis á Indriðastöðum Þann 22. desember sl. barst embættinu erindi frá Úrskurðarnefnd umhverfis- og auðlindamála ÚUA þar sem Vatnsveitufélag sumarhúsaeigenda Indriðastaðalands óskar eftir að ÚUA skeri úr um hvort fyrirhugaðar framkvæmdir vatnsveitufélagsins séu háðar ákvæðum um framkvæmdaleyfi, sbr. 8. mgr. 13. gr. skipulagslaga nr. 123/2010. Vatnsveitufélagið sendi inn fyrirspurn sem tekin var fyrir á 176. fundi skipulags- og byggingarnefndar þar sem það var mat nefndarinnar að framkvæmd væri framkvæmdaleyfisskyld sbr. 5. gr. reglugerðar um framkvæmdaleyfi 772/2012. Óskað hefur verið eftir 15 daga viðbótarfresti sem hefur verið veittur. Erindi sveitarfélagsins til Úrskurðarnefndar umhverfis-og auðlindamála lagt fram og kynnt. Skipulagsfulltrúi falið að vinna málið áfram. Fleira ekki gert. Fundi slitið kl. 12:00
Til baka	Prenta