Til bakaPrenta
Skipulags- og byggingarnefnd - 194

Haldinn á Hvanneyri,
16.10.2025 og hófst hann kl. 08:00
Fundinn sátu: Pétur Davíðsson Formaður,
Ingólfur Steinar Margeirsson Varaformaður,
Sigrún Guttormsdóttir Þormar Varamaður,
Sigurbjörg Ósk Áskelsdóttir Ritari.
Fundargerð ritaði: Sigurbjörg Ósk Áskelsdóttir, skipulagsfulltrúi


Dagskrá: 
Fundargerðir til staðfestingar
1. 2510001F - Afgreiðslufundir byggingarfulltrúa - 82
Fundargerð lögð fram til kynningar
1.1. 2201007 - Indriðastaðahlíð 166, umsókn um byggingarleyfi
Frestað mál frá síðasta fundi.
Lagðar fram nýjar uppfærðar teikningar þar sem stoðveggir hafa verið skilgreindir og eftir þörfum bætt inná teikningar.
Farið í vettvangsskoðun og í framhaldi var afgreiðslu á byggingaráformum frestað.
Ekki eru heimilar neinar framkvæmdir á lóðinni við gerð stoðveggja og því tilheyrandi.
1.2. 2510002 - Indriðastaðir 33, Umsókn um byggingarh. eða -leyfi, flokkur 1
Sótt er um að stækka frístundarhúsið um 22,2 m2, alls verður húsið eftir stækkun, 68,3 m2.
Vísað til skipulags- og bygginganefndar þar sem ekkert deiliskipulag er fyrir svæðið.
1.3. 2510003 - Grenihvammur 5, Umsókn um byggingarh. Flokkur 1
Sótt er um stækka lagnakjallara úr 33,6 m2 í 55,9 m2. Alls verður því húsið 193,1 m2 og 577,2 m3.
Lóðin er skráð 4089 m2, heimildað nýtingarhlutfall er 0,05 = 204 m2.
Byggingaáformin eru samþykkt
1.4. 2510006 - Stráksmýri 9, Umsókn um byggingarh. eða -leyfi flokkur 1
Sótt er um að byggja 100 m2 og 351m3 frístundarhús á lóðinni.
Byggingaráformin eru samþykkt
1.5. 2510004 - Dagverðarnes 204, Umsókn um byggingarh. eða -leyfi flokkur 1
Sótt er um að byggja 15 m2, gestahús. Fyrir er á lóðinni frístundarhús 99,6 m2. Samtals byggingamagn verður því 114,6 m2. Heimilt byggingarmagn á lóðinni eru 125 m2.
Byggingaráformum er hafnað þar sem gestahúsið er utan byggingarreits.
1.6. 2307011 - Erindi vegna Indriðastaðahlíðar 166
Farið er fram á að framkvæmdir á lóðinni Indriðstaðahlíð 166 verði stöðvaðar er varða byggingu á háum vegg. Auk þess, að ef ekki stendur til að reisa vegg, er farið fram á grendarkynningu á framkvæmdum.
Nefndarmenn fóru í vettvangsferð og skoðuðu aðstæður. Ekki hafa verið heimilar neinar framkvæmdir á Indriðastaðahlíð 166, umfram útgefna byggingarheimild sem veitt var í janúar 2022. Í þeirri heimild er ekki gert ráð fyrir byggingu á "háum vegg", hinsvegar er gert ráð fyrir lágreistum stoðveggjum. Hvað grendarkynningu varðar að þá er ekki venjan, í Skorradal, að grendarkynna byggingaleyfisumsóknir þegar umsóknin er innan deiliskipulagsmarka.
Framkvæmdarleyfi
2. 2510007 - ON óskar álits ÚUA um leyfisskyldu vegna jarðvegsstíflu, Andakílsárvirkjun, mál nr. 157-2025
Orka náttúrunnar ohf. og Orkuveita Reykjavíkur (Orkuveitan) hefur óskað eftir því að Úrskurðarnefnd umhverfis- og auðlindamála (ÚUA) veiti álit sitt á því hvort fyrirhugaðar framkvæmdir við tímabundna styrkingu stíflumannvirkja við Andakílsárvirkjun séu leyfisskyldar samkvæmt lögum um mannvirki nr. 160/2010 eða skipulagslögum nr. 123/2010. Nánar tiltekið er þess óskað að nefndin úrskurði, með vísan til 4. mgr. 9. gr. laga nr. 160/2010 um mannvirki og 8. mgr. 13. gr. skipulagslaga nr. 123/2010, hvort lög áskilji að byggingarleyfi eða framkvæmdaleyfi þurfi að liggja fyrir áður en til framkvæmdanna kemur. Sveitarfélagið hefur frest til 24. október nk. til að koma á framfæri athugasemdum sínum.
Skipulags- og byggingarnefnd felur lögmanni Sóknar lögmannsstofu að koma athugasemdum sveitarfélagsins á framfæri við ÚUA.
Beiðni til ÚUA um álit á leyfisskyldu Lokaeintak.pdf
1. Framkvæmdir í og við lón Andakílsárvirkjunar - Matsskylduákvörðun.pdf
2. Verkís Minnisblað - Andakílsárvirkjun Viðhald og vöktun fyllingarstíflu.pdf
3. A291103-000-CTS-0001.pdf
4. 2309003-afgr skip bygg nefndar.pdf
5. Seinni afgreiðsla skip bygg nefndar.pdf
6. Minnisblað skipulagsfulltrúa 20231128.pdf
7. Beiðni til sýslumanns um sáttameðferð.pdf
Fleira ekki gert. Fundi slitið kl. 09:00 

Til bakaPrenta