Umsögn var sent til Skipulagsstofnunar er varðar umhverfismat áætlana fyrir vinnslu Kerfisáætlunar Landsnets 2025-2034.

Óveruleg breyting deiliskipulags var grenndarkynnt sbr. 2. mgr. 43. gr. skipulagslaga nr. 123/2010 m.s.br. þann 5. júní til 3. júlí 2025. Engin athugasemd barst á grenndarkynningartíma.

Endurskoðað Aðalskipulag Borgarbyggðar 2025-2037 er í auglýsingu frá 24.6.2025 til 28.8.2025 á Skipulagsvefsjá, sjá slóð: https://skipulagsgatt.is/issues/2023/242.

Óveruleg breyting deiliskipulags var grenndarkynnt sbr. 2. mgr. 43. gr. skipulagslaga nr. 123/2010 m.s.br. þann 4. júní 2025 til 8. júlí 2025. Engar athugasemdir bárust á grenndarkynningartíma.

Fjarfundur var haldinn af Skipulagsstofnun þann 27. maí 2025 fyrir skipulagsfulltrúa. Farið var yfir innleiðingu stafræns deiliskipulags, tengingu málakerfa við Skipulagsgátt, rafrænt pósthólf, yfirferð leiðbeininga hjá stofnuninni og útgáfu Landsskipulagsstefnu.

Þeim sem fara með skipulagsmál er falin mikil ábyrgð og ákvarðanir þeirra ráða miklu um hvernig vistkerfi og ásýnd landsins mun mótast til framtíðar. Félagið Vinir íslenskrar náttúru, VÍN, hefur frá árinu 2023 unnið að því með aðstoð allmargra sérfræðinga að útbúa leiðbeiningar fyrir hagaðila um val á landi til skógræktar. Þeir hafa nú birt
leiðbeiningarnar á vefsjá félagsins undir heitinu Rétt tré á réttum stað.

Málinu var vísað til skipulagsnefndar af 78. fundi Afgreiðslufundar byggingarfulltrúa. Byggingarskilmálar deiliskipulags Frístundabyggðar í Hálsaskógi, Skorradal III. áfanga er heimilt að byggja eitt hús á hverri lóð allt að 150 fm að grunnfleti. Því til viðbótar er leyfilegt að byggja allt að 15 fm geymslu sem tengist húsi eða verönd. Tilkynning liggur fyrir um byggingu sem er undanþegin byggingarleyfi, en skv. byggingarreglugerð nr. 112/2012 gr. 2.3.5. segir að mannvirki og framkvæmdir sem eru undanþegnar byggingarheimild og tilkynningarskyldu skv. 2.3.6. gr. enda séu þær í samræmi við deiliskipulag og önnur ákvæði byggingarreglugerðar sem við eiga hverju sinni. Í leiðbeiningum HMS við ofangreinda gr. byggingarreglugerðar segir að smáhýsi er skýli sem almennt er ætlað til geymslu garðáhalda o.þ.h. og er ekki ætlað til gistingar eða búsetu. Smáhýsi er ekki upphitað en heimilt er að tengja rafmagns-, neysluvatns- og fráveitulagnir við það. Ekki kemur fram í umsókn hvort hús sé upphitað eða ekki. Ekki liggja fyrir upplýsingar hvernig það verði tengt frístundahúsi eða palli þess. Einnig skortir upplýsingar um hvort að umrædd bygging sé sannarlega geymsla.

Umhverfis- og orkustofnun hefur útbúið leiðbeiningar til sveitarfélaga um samræmingu skipulagsáætlana og leyfisveitinga við lög um stjórn vatnamála. Þær eru nú aðgengilegar á heimasíðunni vatn.is undir flipanum Skýrslur.

Leiðbeiningarnar eru ætlaðar sveitarfélögum og fjalla sérstaklega um hvernig samræma skal skipulagsáætlanir og leyfisveitingar við lög nr. 36/2011 um stjórn vatnamála. Hvað skal koma fram í skipulagsáætlunum sveitarfélaga (svæðis,- aðal- og deiliskipulag) og hvaða kröfur þarf að gera til framkvæmdaraðila við leyfisveitingu til þess að tryggja samræmi við stefnu vatnaáætlunar 2022-2027 og lög um stjórn vatnamála.

Málinu var vísað til nefndarinnar frá 79. afgreiðslufundi byggingarfulltrúa þar sem ekki er í gildi deiliskipulag. Sótt er um að byggja við núverandi hús 174,5 fm, fyrir er 54,7 fm bygging. Heildar byggingarmagn frístundalóðar verður 229,2 fm, en lóð er 10000 fm og nýtingarhlutfall lóðar verður eftir stækkun 0,023 sem samræmist Aðalskipulagi Skorradalshrepps 2010-2022.

Innviðaráðuneytinu hefur borist erindi frá Landsneti þar sem lögð er fram í þriðja sinn beiðni um skipan sérstakrar raflínunefndar á grundvelli 9. gr. skipulagslaga nr. 123/2010, vegna Holtavörðuheiðarlínu 1. Áður en málið verður tekið til frekari afgreiðslu óskar ráðuneytið eftir afstöðu Skorradalshrepps til hinnar framkomnu nýju beiðni Landsnets. Er þess óskað að hún berist ráðuneytinu, ásamt rökstuðningi eftir því sem við á, eigi síðar en fimmtudaginn 31. júlí nk.