Til baka	Prenta
Skipulags- og byggingarnefnd - 200 Haldinn á Hvanneyri, 14.04.2026 og hófst hann kl. 16:00 Fundinn sátu: Pétur Davíðsson Formaður, Ingólfur Steinar Margeirsson Varaformaður, Sigrún Guttormsdóttir Þormar Varamaður, Sigurbjörg Ósk Áskelsdóttir Ritari. Fundargerð ritaði: Sigurbjörg Ósk Áskelsdóttir, skipulagsfulltrúi Dagskrá:  Skipulagsmál 1. 2604001 - Dagverðarnes, svæði D, nýtt deiliskipulag Lögð er fram til afgreiðslu, að beiðni landeiganda Dagverðarness, tillaga deiliskipulags 17 frístundalóða. Um er að ræða 9,9 ha svæði fyrir ofan Skorradalsveg (508). Ekki er þörf á lýsingu skipulagsverkefnis þar sem allar megin forsendur deiliskipulags liggja fyrir í Aðalskipulagi Skorradalshrepps 2010-2022. Við yfirferð nefndarinnar á skipulagstillögunni kom í ljós annmarkar. Skipulags- og byggingarnefnd leggur til að tillaga deiliskipulags verði lagfærð í samræmi við ábendingar nefndarinnar. Málinu frestað DSK Dagverdarnes reitur D.pdf 2. 2604002 - Dagverðarnes 62-65, svæði 8, nýtt deiliskipulag Lögð er fram til afgreiðslu, að beiðni landeiganda Dagverðarness, tillaga deiliskipulags 4 frístundalóða. Um er að ræða 6,4 ha svæði fyrir neðan Skorradalsveg (508). Ekki er þörf á lýsingu skipulagsverkefnis þar sem allar megin forsendur deiliskipulags liggja fyrir í Aðalskipulagi Skorradalshrepps 2010-2022. Við yfirferð nefndarinnar komu fram annmarkar. Skipulags- og byggingarnefnd leggur til að tillaga deiliskipulags verði lagfærð í samræmi við ábendingar nefndarinnar. Málinu frestað. d1332-Dagverðarnes_A2_2000_20260108_opt.pdf 3. 2604004 - Indriðastaðahlíð 134, breyting deiliskipulags Óskað er eftir breytingu deiliskipulags Indriðastaðahlíðar 134 í landi Indriðastaða. Breytingin felur í sér að hámarksbyggingarmagn á lóðinni verði aukið úr 280 fm í 300 fm. Breytingin samræmist stefnu Aðalskipulags Skorradalshrepps 2010-2022. Skipulags- og byggingarnefnd leggur til við hreppsnefnd að heimila óverulega breytingu deiliskipulags sbr. 2. mgr. 43. gr. skipulagslaga nr. 123/2010 og hún grenndarkynnt sbr. 44. gr. sömu laga fyrir lóðarhöfum Indriðastaðahlíðar 132, 133, 162 og landeigendum. 25-022-Deiliskipulagsbreyting INDRIÐASTAÐAHLÍÐ_06.01.2026.pdf Framkvæmdarleyfi 4. 2604003 - Efnistaka úr Dragá, framkvæmdaleyfi Vegagerðin hefur lagt fram umsókn um framkvæmdaleyfi efnistöku og efnisvinnslu malarslitlags í Dragá á efnistökusvæði nr. 13 skv. Aðalskipulagi Skorradalshrepps 2010-2022. Fyrir liggur umsögn Hafrannsóknarstofnunar, en hún var ekki lögð fram með framkvæmdaleyfisumsókn. Leyfi Fiskistofu, sem byggir á umsögn Hafrannsóknarstofnunar, liggur fyrir. Fiskistofa fellst á að tekið sé allt að 5.000 m3 af möl. Leyfi landeigenda liggur fyrir á Litlu og Stóru Drageyri. Síðast var unnið malarslitlag í námunni 2006. Tilgangur fyrirhugaðrar framkvæmdar er efnisöflun vegna viðhalds malarvega á svæðinu árið 2026. Samkvæmt aðalskipulagi fellur umrætt svæði undir flokk 2. Á þeim svæðum er heimil efnistökudýpt 2 m. Efnistöku verður hagað þannig að farvegur verður dýpkaður innan við 1 m að meðaltali á 12.000 m2 svæði. Að efnistöku lokinni verður farvegur jafnaður þannig að hann verði skálalaga og bakkar töluvert hærri en farvegur og önnur röskuð svæði verði jöfnuð snyrtilega og aðlöguð að svæðinu. Skipulags- og byggingarnefnd leggur til við hreppsnefnd að skipulagsfulltrúa verði falið að veita framkvæmdaleyfi sbr. 13. gr. skipulagslaga nr. 123/2010 þegar fyrir liggur að efnistaka sé innan efnistökusvæðis nr. 13 og fallið verði frá grenndarkynningu þar sem gerð er grein fyrir framkvæmdinni í aðalskipulagi og samþykki landeiganda liggur fyrir. Nefndin leggur til við hreppsnefnd að farið verði fram á að Vegagerðin leggi fram yfirborðsmælingu lands fyrir og eftir efnistöku og útreikninga sem byggja á umræddum gögnum um að efnistaka hafi verið í samræmi við veitt framkvæmdaleyfi. Dragá.pdf Leyfi frá FSRE.pdf Leyfi vegna efnistöku við Dragá í Skorradal-1.pdf Litla-Drageyri-landeigandi.pdf Umsókn um framkv.leyfi.pdf Fleira ekki gert. Fundi slitið kl. 17:30
Til baka	Prenta