Síðastliðinn laugardag voru fyrstu 9 holurnar vígðar á golfvellinum í Indriðastöðum. Í tilefni af því var efnt til golfmóts og voru um 60 þátttakendur sem ræstir voru út á öllum 9 holum vallarins.

Hreppsnefndarfundur sem vera átti miðvikudaginn 13. ágúst verður frestað fram í næstu viku vegna óviðráðanlegra orsaka. Nánar auglýst síðar.

Fundur verður haldinn í byggingar- og skipulagsnefnd fimmtudaginn 14. ágúst n.k. kl:20:30 á skrifstofu byggingar- skipulagsfulltrúa á Hvanneyri.

Hin árlega skemmtun félags sumarbústaðareigenda í Fitjahlíð verður haldin laugardaginn 2. ágúst. Kveikt verður í brennunni kl. 21.30. Eftir brennu er boðið upp í dans í skemmunni á Fitjum þar sem Fitjabandið spilar fyrir dansi til kl. 1.00. Æskilegt er að aðilar frá og með bústöðum 61 til 70 haldi uppi brennufjöri og geri skemmuna klára fyrir og eftir ball. …

Samkvæmt fréttavef Skessuhorns þá hvolfdi selgskútu á Skorradalsvatni í dag. Tvennt var í skútunni og voru báðir í björgunnarvestum. Af öryggis ástæðum var björgunarsveitin Ok kölluð út en fólkið var komið á þurrt land þegar að björgunarsveitin var komin á staðinn.

Veðurstofan spáir er mjög góðu veðri næstu daga og um helgina hér á suð-vesturlandi svo nú er um að gera að skella sér í bústaðinn eða að tjalda í Selskóginum. Klukkann 9:30 í dag var komin 15 stiga hiti og sól.

Fundargerð hreppsnefndar dagsett 9. júlí sl. er kominn inn á vefinn einnig er fundargerðir nr. 21 og 22 sipulags- og byggingarnefndar líka komnar inn. Fundargerðirnar eru finna hér.

Brotist hafði verið inn í Skátaskálann í Skorradal mánudaginn 7. júlí sl. Engu hafði verið stolið en skápar skildir eftir opnir. Ekki er vitað hverjir höfðu verið þarna að verki en þeir höfðu grafið holu á tjaldstæðinu við skálann og grillað þar mat og skilið eftir sig bjórdósir, sígarettur og annan sóðaskap.

Ekki hefur tekist að opna Hreppslaug ennþá vegna bilunnar í hitaveituleiðslu. Illa hefur gengið á fá rétta stærð af röri til að tengja hitaveituna saman og er núna verið að leyta á Selfossi. Vonandi tekst að koma lauginn í gang.

Einmuna veðurblíða hefur verið í Skorradalnum síðustu daga og hefur hitinn farið yfir 20 stig þegar best er. Bændur eru á fullu í heyskap og er einn bóndi búinn fyrir talsverðu síðan. Enginn ætti að vera svikinn af því að vera í dalnum núna og njóta blíðunnar.