Category Archive

Brotist hafði verið inn í Skátaskálann í Skorradal mánudaginn 7. júlí sl. Engu hafði verið stolið en skápar skildir eftir opnir. Ekki er vitað hverjir höfðu verið þarna að verki en þeir höfðu grafið holu á tjaldstæðinu við skálann og grillað þar mat og skilið eftir sig bjórdósir, sígarettur og annan sóðaskap.

Ekki hefur tekist að opna Hreppslaug ennþá vegna bilunnar í hitaveituleiðslu. Illa hefur gengið á fá rétta stærð af röri til að tengja hitaveituna saman og er núna verið að leyta á Selfossi. Vonandi tekst að koma lauginn í gang.

Einmuna veðurblíða hefur verið í Skorradalnum síðustu daga og hefur hitinn farið yfir 20 stig þegar best er. Bændur eru á fullu í heyskap og er einn bóndi búinn fyrir talsverðu síðan. Enginn ætti að vera svikinn af því að vera í dalnum núna og njóta blíðunnar.

Hreppsnefndarfundur verður haldinn miðvikudagskvöldið 9. júlí kl:21:00 að Grund.

Ungmennafélgið Íslendingur stóð fyrir jónsmessuhátíð á Mannamótsflöt mánudagskvöldið 23. júní. Þar var farið í hina ýmsu leiki, grillaðar pylsur, kveikt í varðeld og inntaka nýrra félaga. Ungmennafélagið hefur haft það fyrir vana sinn að bjóða börnum sem hefja eiga sína fyrstu skólagöngu í haust að ganga í félagið og afhenda þeim trjáplöntu að gjöf. Hér má sjá mynd af stoltum …

Kveiknað hafði í jarðborunnarbíl í dag (mánudaginn 23. júní) um hálf sexleytið og var slökkvilið Borgarbyggðar kallað út til að ráða niðurlögum eldsins. Bíllinn hafði bilað við bæinn Horn og var verið að gera við hann þegar að eldurinn kom upp. Greiðlega gekk að slökkva eldinn en húsið á bílnum mikið skemmt ef ekki ónýtt.

Jónsmessuhátíð verður haldinn á vegum Ungmennafélagsins Íslendings mánudaginn 23. júní n.k. klukkan 20:30 að Mannamótsflöt. Þar verður farið í hina ýmsu leiki, teknir inn nýjir félagar, grillaðar pylsur og veikt í varðeld.

Hreppslaug verður opnuð föstudaginn 20. júní kl:18:00. Því miður verður ekki hægt að opna laugina fyrr vegna viðgerða.

Hreppsnefndarfundur verður í kvöld 11. júní kl.21:00 að Grund. Hægt er að nálgast dagská fundarins hér.

17. júní hátíð verður haldin hátíðleg á Hvanneyri. Farið verður í skrúðgöngu frá íþróttavellinum og gengið út í skjólbelti þar sem farið verður í leiki og heitt verður á grilli, fyrir þá sem vilja nýta sér það.